මහලු වය­සේත් රජ සැල­කිලි ලබන පොලිස් සුන­ඛයෝ

2019-04-02 12:51:00       688
feature-top
* නිල සුනඛ සේවාව බිහි වී දශක හතක්එ
* තෙ­රින් සුන­ඛ­යකු ගෙන්වී­මට ලක්ෂ 5ක්උ
* දේ වේලට පසු එකම ආහාර වේලයි
* ප්‍රමු­ඛ­තාව මත්ද්‍රව්‍ය වැට­ලී­ම්ව­ලට

මානව සංහ­තියේ ආර­ම්භයේ සිටම මිනි­සාට ඉතාම සමීප සත්වයා සුන­ඛ­යාය. ලොව බොහෝ රට­වල ජනයා අදද තම පෙර ගම­න්කරු, ආර­ක්ෂ­කයා හා සුර­තලා ලෙසින් යොදා ගන්නේ සුන­ඛ­යෝය. 1948 පෙබ­ර­වාරි 04 දින මෙර­ටට නිද­හස ලැබු­ණද එයට පෙර ඇරැඹි වැඩ­පි­ළි­වෙ­ළක ප්‍රති­ඵ­ල­යක් ලෙසින් 1948 දෙසැ­ම්බර් 01 දින කොළඹ ඇචි­ලන් චතු­ර­ශ්‍ර­යේදී මෙරට පොලිස් නිල සුනඛ සේවාව ආරම්භ කෙරිණි.

දේහ භාෂා ඔස්සේ නිවැ­රැදි ඉල­ක්කය කරා යොමු වෙමින් පොලිස් සේවාවේ අති­ශය තියුණු මන­ස­කින් ක්‍රියා­වට නැංවෙන පොලිස් නිල සුනඛ සේවාව ලොව විස්මය ජනක සේවා කාණ්ඩ­යකි. කිසිදු තාක්ෂ­ණික උප­ක­ර­ණ­ය­කට අභි­යෝග කළ නොහැකි එහෙත් මිනිස් දැනු­මට පම­ණක් අභි­යෝග කර­මින් ක්‍රියා­ත්මක නිල සුනඛ සේවාව අප රටේ බිහි වී මේ වන විට දශක හතක් සපුරා ඇත.

සුනඛ සේවාව පුපු­රන ද්‍රව්‍ය හා මත්ද්‍ර­ව්‍ය­ව­ලට එරෙ­හිව හා නීති විරෝධී කට­යු­තු­වල යෙදෙන පුද්ග­ල­යන්ට මෙන්ම ක්‍රියා­වන්ට එරෙහි ලොව එකම ජීව අභි­යෝ­ගය ලෙසින් මේ වන විට හඳු­නා­ගෙන ඇත. අප රටේ නිල සුනඛ සේවාව ආරම්භ කෙරුණේ සීබා හා රෙක්ස්ගෙනි. ආම්ස්ටොන් හා බර්ටස් යන පොලිස් කොස්තා­ප­ල්ව­රුන් පළමු නිල සුනඛ හසු­රු­ව­න්නෝය. පොලිස් පරී­ක්ෂක සොක්මන් පළමු ස්ථානා­ධි­ප­ති­ව­රයා වේ.

මෙරට පොලිස් නිල සුනඛ සේවාව කොළ­ඹින් ඇර­ඹු­වද 1942 වස­රේදී මහ­නු­වර අස්ගි­රි­යට ගෙන එන ලද සුනඛ කොට්ඨා­සය පසු­ගි­යදා හැත්තෑ පස් වසර සපු­රා­ලීය.

වර්ත­මා­නයේ එතැන හැඳි­න්වෙන්නේ පොලිස් නිල සුනඛ කොට්ඨා­සය ලෙසිනි. පොලිස් අධි­කාරි ලාල් සෙනෙ­වි­රත්න මහතා වත්මන් අධ්‍ය­ක්ෂ­ව­ර­යාය. අස්ගිරි කඳු මුදුනේ අක්කර අට­හ­මා­රක සුන්දර භූමි භාග­යක පිහිටි එම ප්‍රදේ­ශය එවක මහ­නු­වර ත්‍රිත්ව විදු­හලේ ගොවි­පළ පිහිටි ප්‍රදේ­ශ­යයි. දේශ­ගු­ණික සාධක මෙන්ම බෝ කිරීම මෙන්ම පුහුණු කිරීමේ පහ­සුව නිසා කන්ද උඩ­රට ස්ථාපිත කෙරුණු එම නිල සුනඛ ඒක­ක‍ෙය් අද වන විට එහි නිල සුන­ඛයෝ 220ක් සිටිති.

කොළ­ඹින් මහ­නු­ව­රට එම ඒක­කය ගෙන එන විටත් එහි ආර­ම්භක නිල සුන­ඛ­යන් දෙදෙනා පම­ණක් සිටි අතර පනහ දශ­කය මැද භාගය වන විට මහ­නු­ව­රට අම­ත­රව කොළඹ නිට්ට­ඹුව, කළු­තර, මතර, රත්න­පු­රය, බදුල්ල , අනු­රා­ධ­පු­රය හා යාප­නය යන ස්ථාන­යන්හි මෙහි උප ඒකක ස්ථාපිත කෙරිණි. අන­තු­රුව ලෝකයේ නිල සුනඛ සේවා විවිධ ක්‍රමෝ­පාය ඔස්සේ නව මං කරා ගමන් කර­මින් තිබි­යදී මෙරට නිල සුනඛ සේවා­ව­ටද නව ක්‍රම­වේ­ද­යන් මෙන්ම නවීන පුහු­ණුව හා තාක්ෂ­ණය ලැබිණි.

ශ්‍රි ලංකා පොලී­සියේ ප්‍රධා­න­තම ධාවන බල­වේ­ගය වන නිල සුනඛ කොට්ඨා­සය වර්ත­මා­නයේ මත්ද්‍රව්‍ය වැට­ලීම්, පුපු­රන ද්‍රව්‍ය පරී­ක්ෂාව , අප­රාධ පරී­ක්ෂාව මෙන්ම නිල සුනඛ සංද­ර්ශන අංශ­යට යොමු වී ඇත. එයින් මේ වන විට ඉහළ ප්‍රමු­ඛ­තාව යොමු කැර ඇත්තේ මත් ද්‍රව්‍ය වැට­ලීම වෙනු­වෙනි. මෙයට වසර හත­ළිස් හත­කට පෙර 1972 දී මෙර­ටදී ප්‍රථම වරට ජර්මන් පොලිස් නිල­ධා­රීන් පිරි­සක් විසින් විශේෂ පුහු­ණු­වක් පවත්වා සුන­ඛ­යන් කිහිප දෙනෙකු මෙරට නිල සුනඛ සේවා­වට එක් කරනු ලබන්නේ අනා­ග­තයේ ශ්‍රී ලංකාව ලෝකයේ මත්ද්‍රව්‍ය හුව­මාරු මධ්‍ය­ස්ථා­න­යක් ලෙසට පත් වනු ඇතැයි කළ අනු­මාන නිසාය.

අස්ගි­රියේ පිහිටි පොලිස් නිල සුනඛ කොට්ඨා­සය පුරා සිටින්නේ විවිධ වර්ගයේ සුන­ඛ­යෝය. ඇතුඵ වන ප්‍රවේශ මාර්ග­යේද ඇත්තේ දැවැන්ත සුන­ඛ­යෙ­කුගේ ස්මාර­ක­යෙකි. ලෝකයේ විවිධ රට­ව­ලින් ගෙන එනු ලැබූ සුන­ඛයෝ විශාල පිරි­සක් එම කොට්ඨා­සයේ ඔවු­න්ටම වෙනු වූ කූඩු තුළ සිටිති. දේශීය සුන­ඛ­යෝද ඒ අතර වෙති. ඒ සෑම සුන­ඛ­යෙ­කු­ටම වෙන් වූ කූඩු­වක් ඇත. සියලු සුන­ඛයෝ එකම කාල සට­හ­නක් ඔස්සේ දින චර්යාව ගත කරති.

රෝගී හා මහලු සතුන් හැර අනෙක් සියලු දෙනාට එම දින චරි­යාව පොදුය. වස­ර­කට 20-25ක සුන­ඛ­යන් පිරි­සක් විවිධ හේතු නිසා මෙහි මිය ගියද එයට සමාන හෝ වැඩි පිරි­සක් මේ වෙනු­වෙන් පොලිස් නිල සුනඛ කෝට්ඨා­ස­යට එක් වෙති.

ජර්මන් ෂෙපර්ඩ්, බෙල්ජි­යම් මැල­නුවා, ඇල­ස­නන් මැල්මි­යුට්, ගෝල්ඩන් රිට්රීව, ලැබ්‍රඩෝ රිට්රීව, රොට් වය­ලර්, බුල්ම­ස්ටිෆ්, රොඩේ­ෂි­යන් රිජ් බැග්, ඉංග්ලිස් ස්පැනි­යල්, කොකස් ස්පැනි­යල් ආදී ඉහළ වට­නා­ක­මක් ඇති මෙන්ම ජන­ප්‍රිය සුනඛ විශේෂ රැසක් එම කොට්ඨා­සය තුළ සිටින අතර ජර්ම­නිය, එංග­ල­න්තය, නෙද­ර්ල­න්තය, ස්පාඤ්ඤය, ප්‍රංශය ඇම­රි­කාව ආදී රට­ව­ලින් එම සුන­ඛ­යන් ගෙන්වනු ලබන බව පොලිස් නිල සුනඛ කොට්ඨා­සයේ අධ්‍යක්ෂ පොලිස් අධි­කාරි ලාල් සෙන­වි­රත්න මහතා පැව­සීය. සාමාන්‍ය වැඩුණු සුන­ඛ­යෙකු මෙර­ටට ගෙන්වී­මට ලක්ෂ පහ­කට අධික මුද­ලක් වැය වන අතර ඔවුන්ගේ අයු කාලය වසර දහ­යක තරම් වේ. අව­රුදු 4-5 වයස සුන­ඛ­යන්ගේ හොඳම කාලය වන අතර විදේ­ශ­ය­න්ගෙන් මෙර­ටට සුන­ඛ­යන් ගෙන ඒමේදී අවු­රුදු එක හමාර වයස ඒ සදහා සුදු­සුම වයස වේ. එලෙස ගෙන්වන සුන­ඛ­යන් කුමන සුනඛ විශේ­ෂයේ වුවද ඔවුන් වැඩ කරන කණ්ඩ­යට අයත් විය යුතුය.

අස්ගි­රිය පිහිටි පොලිස් නිල සුනඛ කොට්ඨා­සයේ සුන­ඛ­යන් සඳහා වෙන් වූ අපූරු කාල­ස­ට­හ­නක් ඇති අතර ඒ අනුව ඔවුහු සිය දින චරි­යාව ගත කරති. උදෑ­සන කිරි වේලට අම­ත­රව ඇත්තේ එක් ආහාර වේලක් පමණි. උදෑ­සන අටට සෑම සුන­ඛ­යෙ­කු­ටම කිරි ලබා දීම සිදු කෙරේ. සවස හත­රට ආහාර ලබා දීම සිදු­කෙරේ. එහිදී වැඩුණු බල්ලෙ­කුටෙ, බැල්ලි­ය­කට හරක් මස් කිලෝ­වක් සහල් ග්රෑම් සිය­යක් හා එළ­වළු ග්රෑම් සිය­යක් සම­ඟින් බතක් ලබා දේ. මෙයට අම­ත­රව සෑම සුන­ඛ­යෙ­කු­ටම විට­මින් වර්ග ලබා දීම සිදු කෙරේ. හරක් මස් කෑ නොහැකි අස­නීප මෙන්ම මහලු වියේ සුන­ඛ­යන්ට බිත්තර, කුකුල් මස්, මාළු ආදිය ලබා දෙනු ලැබේ.

එම සුන­ඛ­යන්ගේ වෛද්‍ය හා සෞඛ්‍ය පහ­සු­කම් පිළි­බඳ නිර­න්ත­ර­යෙන් සොයා බැලෙන අතර ඒ සඳහා සහ­කාර පොලිස් අධි­කාරි ශ්‍රේණි­යට අයත් පශු වෛද්‍ය­ව­ර­යෙක සිටී. ඊට අම­ත­රව හෙදි­යන් දස දෙනෙකු ඇතුඵ කාර්ය මණ්ඩ­ල­ය­කින් සම­න්විත කණ්ඩා­ය­මකි. සුන­ඛ­ය­නගේ ආහාර මාර්ගය ඉතා කොට හෙයින් ආහාර ගත් වහා විවේක ගැන්වීම අව­ශ්‍යම වේ. විශේෂ පුහු­ණ­වීම් රැසක් දින­පතා එම සුන­ඛ­ය­නට ලබා දෙන නිසා විටින් විට ආහාර ලබා දීමක් කිසි ලෙස­කින් සිදු නොවේ.

උදෑ­ස­නම අවදි වන සුන­ඛයෝ උදෑ­සන 7-8 කාල­යෙහි ශාරී­රික යෝග්‍යතා ක්‍රියා­කා­ර­ක­ම්වල යොද­වනු ලබති. අන­තු­රුව පෙර­වරු 8-9 කාල­යෙහි කිරි ලබා දීම සිදු කෙරේ. පසුව උදෑ­සන 9 සවස 3.30 දක්වා වෘත්තීය පුහු­ණුව ලබා දෙන අතර එයින් සවස 1.30 3.30 කාලයේ දුවන ,පනින, රිංගන ක්‍රියා­කා­ර­කම් පුහු­ණුව ලබා දෙයි. සවස 3.30න් පසු නැහැ­වීම පිරි­සුදු කිරීම සිදු කෙරෙන අතර අන­තු­රුව සවස හතරේ සිට පැය භාග­යක් තුළ ඔවු­නට ආහාර ලබා දෙයි.

සුන­ඛ­යන් හා හරි හරි­යට සේ බැල්ලි­යෝද සිටිති. ගැහැනු සතුන් පුහුණු කර­වීම, හසු­රු­වීම, රාජ­කාරි සදහා යෙද­වීම පිරිමි සතුන්ට වඩා ඉතා පහසු වේ. ඒ නිසා පොලිස් නිල සුනඛ කොට්ඨා­ස­යට සුන­ඛ­යන් ගැනී­මේදී ගැහැනු පිරිමි ලෙසින් විශේ­ෂ­යක් නොසැ­ලකේ.

පොලිස් නිල සුනඛ කොට්ඨා­සය සඳහා පොලිස් නිල­ධා­රීන් බඳවා ගැනි­මේදී විශේ­ෂිත සම්මුඛ පරී­ක්ෂ­ණ­යක් පැවැත්වේ. ඉහළ සුදු­සු­කම් ලබන නිල­ධා­රීන් පම­ණක් බඳවා ගැනෙන අතර ඔවුන්ට දීර්ඝ කාල­යක් මෙහි සේවය කිරී­මට අව­ස්ථාව හිමි වේ. එනිසා පොලිස් සේව­යට එක් වුණු දිනයේ සිට විශ්‍රාම යන තෙක් ම ඒ නිල­ධා­රීහු මෙහි සේවය කරති. විශ්‍රා­මික ජ්‍යෙෂ්ඨ නියෝජ්‍ය පොලි­ස්පති මහින්ද ඒක­නා­යක, විශ්‍රා­මික ජ්‍යෙෂ්ඨ පොලිස් අධි­කාරි සිසිර වීර­කෝන් මහතා එසේ දීර්ඝ කාල­යක් රාජා­කාරි කළ ඉහළ පොලිස් නිල­ධා­රීහු දෙනෙකි.

එම කොට්ඨා­ස­යට එක් වන පොලිස් කොස්තා­ප­ල්වරු නිල සුනඛ හසු­රු­ව­න්නන් ලෙස පුහුණු වෙති. සැර­ය­න්වරු උප­දේ­ශ­කයෝ වෙති. උප පොලිස් පරී­ක්ෂ­ක­වරු ඉහළ නිල­ධා­රීන් දේශ­ක­යන් ලෙස රාජ­කාරි කරති. පශු වෛද්‍ය අංශ­යට අම­තර පේරා­දෙ­ණිය විශ­ව­වි­ද්‍යා­ල­යීය පශු වෛද්‍ය ඒක­කය නිර­න්ත­ර­යෙන් මොවුන් පිළි­බඳ සොයා බලති.

1979 දී පිංල­න්තයේ පැවැති අන්ත­ර්ජා­තික සම්මාන උලෙ­ළ­කදී මෙරට පොලිස් නිල සුන­ඛ­යෙ­කුට විශේ­ෂිත සම්මා­න­යක් හිමි වූ අතර අන­තුව පැවැති යුද වාතා­ව­ර­ණය හේතු­වෙන් ජගත් තරග ,සංද­ර්ශ­න­ව­ලට මෙරට සුන­ඛ­යන් යොමු කිරී­මට අව­ස්ථාව නොලැ­බිණි.

පොලිස් නිල සුනඛ කොට්ඨා­සයේ සුනඛ මැදිරි පිහිටි ප්‍රදේශ කිහි­යක් වෙන් කැර ඇති අතර ඒ සදහා ප්‍රවේශ මාර්ග වෙන වෙනම පවතී කඩු­පුල් කලා­පය මෙහි පැටවු බෝ කරන කලා­ප­යයි. එයට අම­ත­රව නුව­ර­එ­ළිය සීතා­එ­ළිය ප්‍රදේ­ශයේ විශේ­ෂිත ස්ථාන­යක් සකස් කැර ඇත. උඩ­වැ­ඩියා කලා­පය වෙන් කර ඇත්තේ මහලු වියේ මෙන්ම රෝගී තත්ත්වයේ සිටින සුන­ඛ­යන් සද­හාය. එමෙන්ම මානෙල්, නෙලුම්, රොක්විව් යනු­වෙන් තවද කලාප තුනක් තිබෙන අතර ඒවයේ පුහුණු වන මෙන්ම පුහුණු වූ සුන­ඛ­යන් කොටු කැර තිබේ. පුහු­ණ­වීම් කරන්නේ වුල්ෆි ක්‍රීඩාං­ග­ණ­යේයි.

දශක තුනක ත්‍රස්ත­වාදී සම­යෙහි පොලිස් නිල සුනඛ කොට්ඨා­සය ඉටු කළ සේවාව ඉහළ මට්ට­ම­කය. මිනී­මැ­රුම් , මංකො­ල්ල­කෑම්, පැහැ­ර­ගැ­නීම් මෙන්ම කැරලි කෝලා­හ­ල­ය­න්හිදී මෙරට පොලිස් නිල සුන­ඛ­යන් විශි­ෂ්ට­ත්වයේ දස්කම් පෙන්වා ඇත. පිට­කො­ටුව බස් නැව­තු­ම්පළ පිපි­ර­වීම සදහා එල්.ටී.ටී.ඊ.ය කිලෝ එකො­ළ­හක අධි­බ­ලැති පුපු­රන ද්‍රව්‍ය තොග­යක් ගෙන එමින් සිටි­යදී මැද­ව­ච්චිය මාර්ග බාධ­කය අස­ලදි එය කොටු කැර දෙමින් පොලිස් සැර­යන් තුෂාර (31452) හැසුරු වූ නිල සුනඛ ටීනා විර වික්‍ර­මා­න්විත සේවා­වක එවක නිරත විය. හැටන් කොට්ඨ­ස­යට අනු­යක්ත පොලිස් නිල සුන­ඛ­යකු වස­රක් තුළ මත්ද්‍රව්‍ය වැට­ලීම් 300ක් සිදු කිරීම ඉන් කැපි පෙනෙයි.

නිද­හස් දින උලෙළ ඇතුළු බොහෝ රාජ්‍ය උත්සව, සංද­ර්ශන විචි­ත්‍ර­වත් කිරී­මට පොලිස් නිල සුන­ඛ­යන් සතුව ඇත්තේ අපූරු හැකි­යා­වක් බව එම විචි­ත්‍ර­වත් සංද­ර්ශන මඟින් දැක­ගත හැකිය. අතැම් සංද­ර්ශන අංග ඇස් අද­හා­ගත නොහැකි තරම්ය. පොලිස් රථ­වා­හන යතු­රු­පැ­දි­යක නැඟ සුන­ඛ­යන් හත් අට දෙනෙකු ගමන් කිරීම, ලොකු බල්ලෙකු කුඩා පැටවුූ කිහි­ප­දෙ­නෙකු සිසෝ පැද්ද­වීම, ගිනි වළලු මතින් පැන යෑම, කඹ­යක ගමන් කිරීම වැනි අපූරු සංද­ර්ශන උහු ඉදි­රි­පත් කරති.

එංග­ල­න්තයේ පොලිස් නිල සුනඛ සේවාව ආරම්භ වන්නේ එය මෙරට ඇර­ඹී­මෙන් මාස තුන­කට පසු­වය. එනිසා මෙරට පොලිස් නිල සුනඛ සේවා­වට ඇත්තේ ගැඹුරු ගම්භිර ඉති­හා­ස­යකි.මුල්ම නිල සුන­ඛයා රුපි­යල් දෙසිය පන­හක මුද­ලට මිලදී ගනු ලැබූ බවට කියවේ.

පොලිස් සේවාවේ සුවි­ශේෂි වූ වීර වික්‍ර­මා­න්විත රාජ­කා­රි­යක යෙදෙන නිල සුන­ඛ­යන් උප­රිම සේවා කලය වසර හතකි අටකි. ඔවුන් ඒ කාලය කැප කරන්නේ කිසිදු වැටු­ප­කින් තෙර­වය,අති­කාල බටා නැත. එහෙත් ඔවු­නට නතැ­තින් හිමි වන්නේ රජ සැලි­කි­ලිය. විශ්‍රාම ගියද, මහලු වුවද, ගිලන් වුවද ඒ සැල­කිලි එලෙ­ස­මය. ඉන් විශිෂ්ට සේවා­වා­කින් පසු මිය යන සියලු නිල සුන­ඛ­යන්ට අව­සා­න­යේදී පොලිස් ගෞරව ලබාදේ විශේ­ෂිත පෙට්ටි­යක දමා ලබා දෙන අව­සන් ගෞරව මැද සමු­ගන්නා මෙම පිනැති අපූර්වූ සත්ව­යන් කන්ද උඩ­රට අස්ගි­රි­යට බහි­රව කන්දට මැදිවූ සොදුරු බිම් කඩක මිහි­දන් වනුයේ මින­සෙකු ලෙස ඉපද මිය යන­වාට වඩා තරි­සන් සත්ව­යෙකු ලෙස බොහෝ ගෞරව බහු­මන් මැදය.

උපුටා ගැනීම සිළුමින පුවත් පත ඇසුරෙනි

More News »